Home About Dhrangadhra City About Nagarpalika Administrative Work Vision 2020 Citizen Charter Photo Gallery Feedback   Lok Ladila Neta
   
   

 
સ્થાપત્ય ઈતિહાસ

આરોગ્ય સેવાઓમાં વૃધ્‍િધ કરાઈ. ધ્રાંગધ્રા, હળવદ, સીથામાં હોસ્‍િપટલો ખોલવામાં આવી. ૧૯૦૩-૦પ માં પ્લેગ ડામવા પગલાં લેવાયાં. ડો. બારિયાના નેતૃત્વ હેઠળ અસરકારક પગલાં લેવાયાં. દુકાળ વખતે સ્થપાયેલ ગરીબઘરને અનાથ, અંધ અને અપંગ માટેના આશ્રય સ્થાનમાં ફેરવી નાખ્યાં. ઉપરાંત હળવદમાં મ્યુનિસિપાલિટી તથા ધ્રાંગધ્રા અને હળવદમાં પુસ્તકાલય સ્થપાયાં. રાજધાની ધ્રાંગધ્રામાં નવા રસ્તા બંધાવી તેના કિનારે વૃક્ષો રોપવામાં આવ્યાં. અજિતનિવાસ પેલેસ, ઓડિટોરિયમ, સેના માટેનાં મકાનો, નવું ગેસ્ટ હાઉસ, સુંદર નવી બજાર વગેરે બાંધકામો પણ થયાં. મુખ્ય બનારના મકાનોની ડિઝાઈન એક સરખી જ રાખી તે પ્રમાણે જ બાંધકામ કરવું ફરજિયાત હતું. પરિણામે ધ્રાંગધ્રાની બજારની શેરીઓ સૌરાષ્ટ્રમાં સૌથી સુંદર બની હતી.

   ધ્રાંગધ્રા-વાંકાનેર વચ્ચે ૩૦૦ વર્ષથી ચાલતા મતભેદોને ૧૯૦૬ માં વાંકાનેરના રાજસાહેબ અમરસિંહજીએ ધ્રાંગધ્રાની મુલાકાત લેતાં અંત આવ્યો. ૧૬ મી સદીમાં વાંકાનેરનું સ્વતંત્ર રાજય બન્યા પછી ધ્રાંગધ્રામાં પગ મૂકનાર તે પ્રથમ વાંકાનેર-નરેશ હતા. ૧૯૦૭ માં અજિતસિંહજીને બ્રિટિશ સરકારે કે.સી.એસ.આઈ.નો ખિતાબ આપ્યો હતો. ધ્રાંગધ્રામાં આ ખિતાબ મેળવનારા તે સતત ત્રીજા રાજવી હતી. આ પ્રસંગે તેમણે શિક્ષણને મફત કર્યું. આ પગલું પ્રગતિવાદી તથા લોકોપયોગી હતું.

ઘનશ્યામસિંહજી
(૧૯૦૦-૧૯૧૧)

   માનસિંહજીનું ૧૯૦૦ માં અવસાન થયું. તેમના યુવરાજ જશવંતસિંહજી તેમના જીવનકાળમાં જ અવસાન પામ્યા હતા. તેથી તેમના પૌત્ર અજિતસિંહજી ગાદીએ બેઠા. તેમના શાસનના પ્રથમ વરસે જ છપ્પનિયો દુકાળ પડેલો. ત્યારે તેમણે દુકાળ રાહત કાર્યો ઉપર ખૂબ ધ્યાન આપ્યું હતું. તેમણે રાજકોટની રાજકુમાર કોલેજમાં અભ્યાસ કર્યો હતો. પાશ્ચાત્ય શિક્ષણ પામેલા આ શાસકનો રાજયકાળ માત્ર ૧૧ વર્ષનો હતો, છતાં તેમણે ધ્રાંગધ્રા રાજયને આધુનિકરણ તરફ લઈ જવા પ્રયાસ કર્યો હતો. તેમણે રાજયમાં કાયદાનું સ્થાન સ્થાપ્યું હતું. તેમના શાસનના પરિણામે રાજયમાંથી ગુનાખોરીનું પ્રમાણ નહિવત થઈ ગયું હતું. તેમણે એક મોડેલ-સેનાની રચના કરી હતી. તેમાં મિયાંણા જેવી યુધ્ધપ્રિય બંડખોર જાતિમાં પણ શિસ્ત સ્થપાઈ શકે છે તેવું સાબિત કરી બતાવ્યું હતું. તેમણે સેનાને કાર્યદક્ષ તાલીમ આપવાની વ્યવસ્થા કરી હતી. તેમણે પોતાની સેનાને ચપળતા અને શિસ્તનું આદર્શ મોડેલ બનાવી હતી. ખોટું કરનારા અને અપરાધી માનસ ધરાવતા લોકો તેમનાથી ડરતા હતા. ૧૯૦૮ માં અજીતસિંહજીએ બ્રિટિશ સરકારને વાયવ્ય સીમા પ્રાંતમાં લડાયક જાતિઓના બળવાને શમાવવા પોતે પોતાની સેના સાથે જવાની તૈયારી દર્શાવી હતી. પોતાની સેનામાં તે શકય હોય ત્યાં સુધી પોતાના ઝાલાવંશના ભાયાતોમાંથી નીમતા.

    પિતા અજિતસિંહે શરૂ કરેલ રાજયના આધુનિકીકરણનું કાર્ય તેમના શાસન દરમ્યાન ગતિશીલ બન્યું હતું. તે તેમણે વિવિધ ક્ષેત્રે કરેલાં કાર્યોથી જાણી શકાય છે.

૧. વહીવટીતંત્ર

   તેમણે વહીવટતંત્રને આધુનિક બનાવવા પ્રયત્ન કર્યા હતા. રાજયમાં કર્મચારીઓની નિમણૂંક યોગ્યતાના આધારે કરી તેમની બઢતી, નિવૃતિ તથા સેવાના નિયમો ઘડવામાં આવ્યા હતા. ૧૯૧૧ માં કર્મચારીઓ માટે પેન્શન યોજના દાખલ કરવામાં આવી હતી, તેનાથી કર્મચારીઓની કાર્યક્ષમતા તથા વફાદારીમાં વૃધ્‍િધ થઈ હતી.

  ભાયાતો સાથે પણ સારા સંબંધો રાખવા પ્રયાસ કર્યા હતા. તેથી રાજય પ્રત્યે સાચી કે ખોટી રીતે અયોગ્ય વર્તન દાખવનાર બધા ભાયાતોને ૧૯૧ર માં માફી આપી દઈને તેમનો સ્નેહ સહકાર મેળવવા પહેલ કરી હતી. ઘનશ્યામસિંહજીએ પોતાના યોગ્ય લાયકાત ધરાવતા ભાયાતોને રાજયમાં મહત્વના ઉચ્ચ હોદ્દાઓ ઉપર નીમી તેમનો પ્રેમ સંપાદન કર્યો હતો. રાજયના દીવાન તરીકે તેમણે કોંઢના ભાયાત ઝાલા માનસિંહજી સુરાતસિંહજીને નીમ્યા હતા. તેઓ આ પૂર્વે મુંબઈ સરકારમાં સુરત અને પછીથી ખેડા જિલ્લામાં પોલીસ ઈન્સ્પેકટર તરીકે નોકરીમાં હતા. ત્યાંથી એજન્સી મારફત તેમની સેવાઓ બ્રિટિશ સરકાર પાસેથી મેળવવામાં આવી હતી. ૧૯૧ર માં દીવાન માનસિંહજીનું સન્માન કરવા માટેની સભામાં બોલતાં ઘનશ્યામસિંહજીને કહેલું ' ભાયાત બંધુઓ' જુના પૂર્વગ્રહો છોડો, પારસ્પરિક ઈર્ષ્‍યા દૂર કરો, બાળકોને શિક્ષણ આપો અને રાજયને વફાદાર રહો. દીવાન માનસિંહજીનો દાખલો તમારી સામે છે. બીજા ભાયાત ભભૂતસિંહજીને રેવન્યૂ કમિશ્નર અને નટવરસિંહજીને પોલીસ કમિશ્નર, ઝાલા સબલસિંહજીને પોલીસ સુપરિન્ટેન્ડેટ નીમ્યા હતા.

Next   
Back   
1   2   3   4   5   6   7  
 
 
 
 
 
 
 
 
 
 
 
Shaheri Vikas Varsh Pravasan Varsh
Powered By :